Image مشورة مسيحية / مقال إعرف نفسك وغيرها ( 3 ) بقلم مهندس سامح رمزى

مشورة مسيحية / مجلة التوعية المشورية

  صباح الخير على الكل

  بعد كل الى كتبناه لسه حتى الآن مفيش جواب على أنا أقدر أقول أنا شخصيتيى إيه

و بصراحه السؤال صعب وإجابته صعبة

  طيب

  علشان أجاوب السؤال ده قدامى طريقين

·إنى أقول كلام كبير من عينه البعد العقلى المتوازى من البعد التفكير فى المنظور الفراغى المتوازى    
 أوعى وشك على الكلام إلى أنا مش فاهمه أصلا لأنه وببساطه هوا مش كلام.

·إنى أقول الكلام ببساطه مطلقه من غير تعقيد

    أنا قررت إنى أقول الكلام ببساطة .

    الشخصيه إتقسمت إلى أربع أنماط

·القيادية

·الإجتماعية

·الباحثة عن الكمال

·الهادئة

    قبل ما نتكلم عن أى شخصية فيهم لازم نحط بعض القواعد الاساسية

·مفيش أى واحد أقدر أقول إنه نمط واحد فيهم و بس يعنى مفيش حد قائد 100% ولا إجتماعى
 100%  كلنا خليط من الأربعه بس بنسب مختلفة.

·ولا نمط فيهم أحسن من التانى كلهم كويسين و فيهم مشاكل بس كل واحد فيهم حلو فى مكانه وشغله

  قبل مانتكلم عن صفات وعيوب أى شخصيه فيهم أحب كل واحد فيكم يدخل على النت يعمل الإختبار بتاع  
  تحديد الشخصية

  هيكون مفيد جداً للكل بس علشان تستفاد منه لازم تراعى مجموعه شروط وتراعيها بكل حزم وقوه

·تجاوب وإنت عامل حسابك إنه مفيش حساب لأى غلطه هتعملها يعنى مفيش عقاب قانونى أو دينى أو  
 سماوى

·تجاوب إلى هتعمله مش إلى نفسك تكونه ( البعض يظن أن نمط القائد أو الباحث عن الكمال هو الأفضل  
 فيجاوب بحيث تأتى النتائج بالنمط إللى هو شايفه أحسن )

·الإجابات مفيش فيها تواضع وإنكار للذات

  جاوب وإديى نفسك درجه فى كل نمط وأقابلك الأسبوع الجاى نحكى سوا

المراجع:

    شخصيتك إعرفها إقبلها طورها ( الأستاذ الدكتور / مجدى اسحق )

مشورة مسيحية / مجلة التوعية المشورية